თუკი ხმარობთ iOS-ის იმეილის პროგრამას და გსურთ მიღებული წერილის ტექსტიდან რომელიმე ფრაგმენტის ციტირება და პასუხის გაცემა, ამისათვის საკმარისია მიღებულ წერილში მონიშნოთ თქვენთვის სასურველი ფრაგმენტი, როგორც ეს სურათზეა ნაჩვენები:
ხოლო შემდეგ დააჭიროთ პასუხის გაცემას (Reply), რომელიც აღნიშნულია მოღუნული ისრის სახით ქვედა პანელზე. შედეგად, თქვენს საპასუხო იმეილში მონიშნული ტექსტი ციტირებული იქნება:
ეს მეთოდი განსაკუთრებით მოსახერხებელია, როცა გსურთ თქვენი ადრესატის ყურადღების გამახვილება წერილის კონკრეტულ ფრაგმენტზე ან სიტყვაზე.
შენიშვნა: ეს მეთოდი იგივენაირად მუშაობს OSX-ის სტანდარტული იმეილის აპლიკაციაშიც.